17 فروری کی شام کو ہلالِ رمضان دیکھنے کی اپیل

ریاض (شاہدنعیم) سعودی سپریم کورٹ نے اتوار کے روز پوری مملکت کے مسلمانوں سے 17 فروری بروز منگل کی شام کو ہلالِ رمضان دیکھنے کی اپیل کی ہے۔اتھارٹی نے کہا، “سپریم کورٹ درخواست کرتی ہے کہ جو کوئی بھی برہنہ آنکھ سے یا دوربین کے ذریعے یہ (چاند) دیکھے تو وہ قریبی عدالت کو مطلع کرے اور اپنی گواہی درج کروائے یا انہیں قریبی عدالت تک پہنچانے میں مدد کے لیے قریبی مرکز سے رابطہ کرے۔” مملکت میں رمضان المبارک 18یا 19فروری کو شروع ہونے کی امید ہے۔