اپوزیشن اتحاد کا مشاورت کے بعد حکومت سے پہلا رابطہ، محمود اچکزئی اور رانا ثنا کی ملاقات

حکومت سے مذاکرات کیلئے اپوزیشن اتحاد نے مشاورت کے بعد پہلا رابطہ کرلیا۔ اپوزیشن لیڈر محمود اچکزئی اور رانا ثناء اللّٰہ کی پارلیمنٹ ہاؤس میں ملاقات ہوئی، جس میں ملکی سیاسی صورتحال پر مشاورت ہوئی۔ 

ذرائع کے مطابق وزیراعظم کے اپوزیشن لیڈر سے ملاقات کے ایجنڈے پر بھی مشاورت ہوئی، بانی پی ٹی آئی کی صحت اور حکومتی مذاکراتی عمل سے متعلق گفتگو ہوئی۔ 

ذرائع کے مطابق ملاقات میں وزیر پارلیمانی امور طارق فضل چوہدری بھی موجود تھے۔ 

بعدازاں اپوزیشن لیڈر محمود خان اچکزئی نے پارلیمنٹ کے باہر میڈیا سے گفتگو کی۔ 

اس موقع پر ایک صحافی نے سوال کیا کہ رانا ثناء اللّٰہ نے آپ کے مذاکرات کے جواب پر مثبت ردعمل دیا، وہ تو تیار ہیں۔ جس پر محمود خان اچکزئی نے صحافی کے سوال پر رانا ثناّء اللّٰہ زندہ باد کہ کر اپنے ردعمل کا اظہار کیا۔