احمد شہزاد اور محمد عامر نے کھلاڑیوں پر 50، 50 لاکھ جرمانے کو ناکافی قرار دے دیا

کرکٹر احمد شہزاد نے ٹی ٹوئنٹی ورلڈ کپ میں ناقص کاکردگی پر کھلاڑیوں پر ممکنہ جرمانے کی 50، 50 لاکھ کی رقم کو کم اور فاسٹ بولر محمد عامر نے ان اقدامات کو ناکافی قرار دے دیا۔ 

جیو نیوز سے گفتگو کرتے ہوئے احمد شہزاد کا کہنا تھا کہ کھلاڑیوں پر 50 لاکھ روپے جرمانہ کم ہے، زیادہ ہونا چاہیے۔

ان کا کہنا تھا کہ 50 لاکھ روپے تو میں اپنی جیب سے دے دوں، کھلاڑی کروڑوں کماتے ہیں۔

اس دوران فاسٹ بولر محمد عامر کا کہنا تھا کہ مسائل کا حل یہ ہے کہ مینجمنٹ میں اچھے لوگ لے کر آئیں۔ تبدیلی اعلیٰ سطح سے ہونی چاہیے۔

انہوں نے یہ بھی کہا کہ جرمانے سے کچھ نہیں ہوگا، پرفارم نہ کرنے والے کھلاڑیوں کو باہر کریں۔

احمد شہزاد کا کہنا تھا کہ پیسے ڈومیسٹک کرکٹ میں ڈویلپمنٹ میں لگانے چاہئیں۔