افغانستان کو فتح کرنے کا ارادہ نہیں، بگرام میں اپنا ٹارگٹ حاصل کرلیا، سیکیورٹی ذرائع

پاکستان نے بگرام میں اپنا ٹارگٹ حاصل کرلیا، افغان طالبان کی ایمونیشن سپورٹ کا انفرا اسٹرکچر تباہ کردیا گیا۔ 

سیکیورٹی ذرائع کا کہنا ہے کہ ہم نے کسی بیان پر کارروائی نہیں کی، اپنا ٹارگٹ حاصل کیا، اہداف کے حصول تک افغانستان میں ٹارگٹ کرتے رہیں گے۔

ذرائع نے کہا کہ اب تک افغانستان پر 58 کارروائیاں کرچکے ہیں۔ 226 پوسٹیں تباہ کرچکے، 36 پوسٹوں پر اپنا پرچم لہرایا۔

سیکیورٹی ذرائع کا کہنا تھا کہ افغانستان ایمپائرز کا قبرستان نہیں پلے گراؤنڈ ہے۔ ایمپائر افغانستان آتے ہیں اپنا کھیل کھیلتے ہیں۔

سیکیورٹی ذرائع نے کہا کہ ٹی ٹی پی سے دھمکیوں کے پرچے جاری کروائے جا رہے ہیں، افغانستان ماسٹر پراکسی بن گیا ہے۔

انہوں نے یہ بھی کہا کہ ہمارا افغانستان کو فتح کرنے کا کوئی ارادہ نہیں۔ پاکستان نے بگرام میں اپنا ٹارگٹ حاصل کرلیا۔