انسپکٹر عمرحیات کو فائرنگ سے زخمی کرنیوالا ملزم گرفتار

اسلام آباد پولیس کے انسپکٹر عمر حیات کو فائرنگ کر کے زخمی کرنے والے ملزم کو گرفتار کر لیا گیا۔

اسلام آباد پولیس کے ترجمان کے مطابق ملزم نے انکشاف کیا ہے کہ اس نے ذاتی رنجش پر انسپکٹر عمر حیات پر فائرنگ کی۔

پولیس ترجمان کا کہنا ہے کہ ملزم واقعے کے بعد روپوش ہو گیا تھا جس کو پولیس نے گرفتار کر لیا ہے۔

واضح رہے کہ انسپکٹر عمر حیات پر فائرنگ کا واقعہ 1 ہفتہ قبل پیش آیا تھا۔