معمار موڑ کے قریب گاڑی کی ٹکر سے پولیس اہلکار شہید
کراچی کے علاقے معمار موڑ کے قریب گاڑی کی ٹکر سے پولیس اہلکار شہید ہو گیا۔
اس حوالے سے ڈی ایس پی سہراب گوٹھ کا کہنا ہے کہ افسوسناک واقعہ کراچی کے علاقے معمار موڑ کے قریب پیش آیا جہاں گاڑی کو مشکوک سمجھ کر پولیس نے روکنے کی کوشش کی۔
ڈی ایس پی نے کہا کہ کار سواروں نے پولیس اہلکار کو ٹکر ماری اور فرار ہوگئے جس کے بعد اہلکار شہید ہو گیا، اہلکار کی شناخت عبدالمنان کے نام سے ہوئی جو سائٹ سپرہائی وے تھانے میں کانسٹیبل تھا۔
ان کا کہنا ہے کہ واقعے کے بعد پولیس نے 2 ملزمان کو سائٹ سپرہائی وے سے گرفتار کر لیا ہے، ملزمان کی گاڑی سے چھالیہ اور گٹکا برآمد کیا گیا ہے۔
Load/Hide Comments
