صدرِ مملکت آصف زرداری 25 تا 30 اپریل چین کا اہم دورہ کریں گے

صدرِ مملکت آصف علی زرداری 25 سے 30 اپریل تک چین کا اہم دورہ کریں گے، دورے کے دوران وہ چین کی اعلیٰ قیادت سے ملاقاتیں کریں گے۔

سفارتی ذرائع کے مطابق ملاقاتوں میں دونوں ممالک کے درمیان معاشی اور دفاعی تعاون کے منصوبوں کا جائزہ لیا جائے گا۔

صدر آصف علی زرداری چین کے شہر چانگ شا اور سانیا سمیت مختلف شہروں کا بھی دورہ کریں گے۔

سفارتی ذرائع کا کہنا ہے کہ خطے کی موجودہ صورتحال کے تناظر میں یہ دورہ خصوصی اہمیت کا حامل ہے۔