ایران جنگ سے مشرقِ وسطیٰ کو 50 سال کا سب سے بڑا معاشی جھٹکا

کراچی (نیوز ڈیسک)ایران جنگ سے مشرقِ وسطیٰ کو 50 سال کا سب سے بڑا معاشی جھٹکالگاہے۔توانائی اور برآمدات میں شدید خلل،تجارتی راستوں اور سرمایہ کاری پر اثر،آبنائے ہرمز کی بندش کا خطرہ ہے۔ بحران سے تقریباً چار ٹریلین ڈالر مشترکہ معیشت متاثر ہوئی ہے جو خطے کی مجموعی معیشت کا بڑا حصہ بنتی ہے۔عرب نیوز کی رپورٹ کے مطابق ایران جنگ نے مشرقِ وسطیٰ اور شمالی افریقہ کی معیشت کو گزشتہ تقریباً نصف صدی میں سب سے بڑا جھٹکا دیا ہے، جس سے تیل و گیس کی برآمدات، تجارتی راستے اور سرمایہ کاری شدید متاثر ہوئی ہے۔ تجزیے کے مطابق اس بحران سے تقریباً چار ٹریلین ڈالر کی مشترکہ معیشت متاثر ہوئی ہے جو خطے کی مجموعی معیشت کا بڑا حصہ بنتی ہے۔