حیدرآباد: بینظیر انکم سپورٹ پروگرام کی مستحق خواتین سے 2 ہزار کاٹنے والے ملزمان گرفتار، 13 لاکھ 86 ہزار روپے برآمد

حیدرآباد میں بینظیر انکم سپورٹ پروگرام کی مستحق خواتین سے فی قسط 2 ہزار روپے کاٹنے والے 8 ڈیوائس ہولڈرز گرفتار کرلیے گئے، بایومیٹرک ڈیوائسز اور 13 لاکھ 86 ہزار روپے کی رقم برآمد کرلی۔ 

ایف آئی اے حکام کے مطابق شکایت ملنے پر لطیف آباد کے بی آئی ایس پی ٹرنچ سینٹر پر کارروائی کی گئی۔ جہاں ڈیوائس ہولڈر بی آئی ایس پی کی مستحق خواتین کی فی قسط سے 1500 سے 2000 روپے تک غیر قانونی طور پر کاٹ رہے تھے۔ 

کارروائی کے دوران 8 ڈیوائس ہولڈرز کو گرفتار کرکے بایو میٹرک ڈیوائسز، اہم رکارڈ اور 13 لاکھ 86 ہزار روپے سے زائد کی رقم برآمد کرلی گئی۔ 

ایف آئی اے حکام کے مطابق گرفتار ملزمان کے خلاف مقدمہ درج کرلیا گیا ہے جن کی نشاندہی پر مزید ملزمان کے خلاف کارروائی کی جارہی ہے۔