جہلم: ملازمت کا جھانسہ دیکر خاتون کو فروخت کیے جانے کا انکشاف

جہلم میں ملازمت کا جھانسہ دے کر لائی گئی خاتون کو فروخت کیے جانے کا انکشاف ہوا ہے۔

پولیس کے مطابق متاثرہ خاتون کو روہتاس روڈ پر واقع ایک مکان میں قید رکھا گیا تھا جہاں سے موقع ملنے پر وہ بھاگ کر جہلم صدر تھانہ پہنچی۔

متاثرہ خاتون کا کہنا ہے کہ مجھے ملازمت کا جھانسہ دے کر دھوکے سے ایک خاتون کے ہاتھوں فروخت کر دیا گیا، ملزمہ مجھ سے زبردستی جسم فروشی کراتی تھی۔

متاثرہ خاتون کے مطابق ملزمہ کے 2 بیٹے اور 2 بھتیجے مجھے زیادتی کا نشانہ بھی بناتے رہے۔

پولیس نے متاثرہ خاتون کی مدعیت میں مقدمہ درج کر کے 5 ملزمان کو گرفتار کر کے تفتیش شروع کر دی ہے۔