جے ڈی وینس اور مودی میں عالمی اسٹریٹجک شراکت داری مزید مضبوط بنانے پر تبادلہ خیال

لاہور(خالدمحمودخالد) امریکی نائب صدر جے ڈی وینس نے گزشتہ روز بھارتی وزیراعظم نریندر مودی سے ٹیلی فون پر بات کی۔ دونوں رہنماؤں نے بھارت اور امریکا کے درمیان جامع عالمی اسٹریٹجک شراکت داری کو مزید مضبوط بنانے پر تبادلہ خیال کیا۔ اس کے علاوہ بھارت اور امریکا کے درمیان تجارت، ٹیرف، دفاع، توانائی اور ٹیکنالوجی سمیت متعدد اہم شعبوں میں تعاون اور مذاکرات جاری رکھنے کی بات کی۔ بھارتی ذرائع کے مطابق دونوں رہنماوں نے پاکستان، سعودی عرب اور ترکی کے درمیان بڑھتے ہوئے دفاعی تعاون، روسی توانائی کی خریداری سے متعلق امریکی پالیسی اور بھارت امریکا تجارتی مذاکرات کے موضوعات پر بھی گفتگو کی۔