راوالپنڈی: خود کو اطالوی سفارتخانے کا نمائندہ ظاہر کرنیوالا جعلساز 9 کارندوں سمیت گرفتار

خود کو اطالوی سفارت خانے کا نمائندہ ظاہر کرنے والے جعل ساز گروہ کے خلاف کارروائی کی گئی ہے۔

ایف آئی اے کے مطابق جعلساز گروہ کے سرغنہ سمیت 9 کارندے راولپنڈی سے گرفتار کر لیے گئے۔

 ملزمان نے شہری کو اٹلی بھجوانے کے نام پر 45 لاکھ روپے ہتھیائے۔

اٹلی کے سفارت خانے کی این سی سی آئی اے میں درخواست پر کارروائی کی گئی۔

ایف آئی اے کا کہنا ہے کہ گرفتار ملزمان کے خلاف مقدمہ درج کر کے مزید تفتیش شروع کر دی گئی ہے۔