کراچی: متعدد علاقوں میں لوڈشیڈنگ کا دورانیہ 16 گھنٹے سے تجاوز کر گیا

کراچی کے مختلف علاقوں میں بجلی کی اعلانیہ اور غیر اعلانیہ لوڈشیڈنگ جاری ہے، متعدد علاقوں میں لوڈشیڈنگ کا دورانیہ 16 گھنٹے سے بھی تجاوز کر گیا۔

لائنز ایریا، نیو کراچی، موسیٰ کالونی، لیاری، ملیر، لانڈھی اور کورنگی میں بجلی کی طویل لوڈشیڈنگ کی شکایات ملی ہیں، اورنگی ٹاؤن، سرجانی ٹاؤن اور قائد آباد میں بھی لوڈشیڈنگ سے شہری پریشان ہو گئے۔

ماڑی پور روڈ، مچھر کالونی اور ہاکس بے کے مختلف علاقوں میں بھی بجلی کی فراہمی متاثر ہوئی ہے۔

ترجمان کے الیکٹرک کا کہنا ہے کہ بجلی چوری اور بلوں کی عدم ادائیگی والے علاقوں میں لوڈشیڈنگ کی جاتی ہے۔