حکومت آئندہ بجٹ میں عوام کو ریلیف فراہم کرے: لیاقت بلوچ

نائب امیر جماعت اسلامی پاکستان لیاقت بلوچ نے مطالبہ کیا ہے کہ حکومت آنے والے بجٹ میں عوام کو ریلیف فراہم کرے۔

ایک بیان میں لیاقت بلوچ نے کہا کہ سرکاری ملازمین کی تنخواہوں میں ٹیکس کٹوتی میں خاطر خواہ کمی کی جائے۔ 

 انہوں نے کہا کہ تحریک آزادی کشمیر کو دہشت گرد تحریک قرار دینا یو این چارٹر کے خلاف ہے، پہلگام کے جھوٹ سے بھارت کی انتخابی جیت کے لیے جنگی حکمت عملی ناکام ہوئی۔

ان کا کہنا ہے کہ پاک بھارت جنگی معرکے میں امریکا اور مغرب کے اسلحہ کی برتری قائم نہیں رہی۔ سیاسی، اقتصادی اور قومی سلامتی کو درپیش بحرانوں میں قومی کانفرنس ناگزیر ہے۔