بھارتی وزیر دفاع چین میں علاقائی اجلاس میں شرکت کریں گے

نئی دہلی (اے ایف پی) بھارت کے وزیر دفاع راجناتھ سنگھ اس ہفتے چین کے شہر چنگ ڈاؤ میں ہونے والے شنگھائی تعاون تنظیم (SCO) کے اجلاس میں شرکت کے لیے روانہ ہوں گے، بھارتی وزارتِ دفاع نے منگل کواس بات کی تصدیق کی۔بیان کے مطابق راجناتھ سنگھ اجلاس میں بھارت کا وژن پیش کریں گے جس میں عالمی امن و سلامتی کو فروغ دینے، اور خطے سے دہشت گردی و انتہا پسندی کے خاتمے کے لیے مشترکہ کوششوں کی اپیل شامل ہو گی۔راجناتھ سنگھ اجلاس کے دوران چین اور روس کے وزرائے دفاع سے دو طرفہ ملاقاتیں بھی کریں گے۔