وفاقی حکومت نے سالانہ عبوری محصولات کے اعداد و شمار جاری کرنے پر پابندی لگادی
وفاقی حکومت نے سالانہ عبوری محصولات کے اعداد و شمار جاری کرنے پر پابندی لگادی۔
ذرائع کے مطابق آئی ایم ایف پروگرام کے تحت مکمل یا جزوی اعداد و شمار کسی شخص یا ادارے سے شائع کرنے پر پابندی ہوگی۔ عوام، میڈیا یا کسی بھی بیرونی فریق کے ساتھ اعداد و شمار شیئر نہیں کیے جائیں گے۔
محصولات جاری کرنے کے لیے وزارت خزانہ کی پیشگی اور واضح منظوری لازمی قرار دے دی گئی ہے اور بغیر اجازت کے عبوری اعداد و شمار کا اجراء پروگرام کی رازداری کی خلاف ورزی تصور ہوگا۔
ذرائع کے مطابق قبل از وقت عبوری اعداد و شمار کا اجراء آئی ایم ایف کے جائزہ عمل کو متاثر کرسکتا ہے، یہ عمل مجموعی طور پر پروگرام کے نتائج کے لیے بھی نقصان دہ ہوسکتا ہے۔
تمام محصولات کے اعداد و شمار پہلے جائزے کی تکمیل تک خفیہ رکھنے کا فیصلہ کیا گیا ہے، منظور شدہ اعداد و شمار باضابطہ ذرائع سے عوام کے ساتھ شیئر کیے جائیں گے۔
