قازق صدر قاسم جومارت 3، 4 فروری کو پاکستان کا پہلا سرکاری دورہ کریں گے
قازقستان کے صدر قاسم جومارت توقایف 3 سے 4 فروری تک پاکستان کا پہلا سرکاری دورہ کریں گے۔
دفتر خارجہ کے ترجمان کے مطابق وزیراعظم شہباز شریف کی دعوت پر قازقستان کے صدر دورہ کریں گے، قازقستان کی کابینہ کے ارکان اور اعلیٰ حکام پر مشتمل وفد بھی پاکستان آئے گا۔
دفتر خارجہ کے ترجمان کے مطابق صدر قاسم جومارت توقایف صدرِ پاکستان سے بھی ملاقات کریں گے، صدر قاسم جومارت توقایف کے وزیراعظم شہباز شریف سے باضابطہ مذاکرات ہوں گے۔
دفتر خارجہ کے ترجمان کے مطابق صدر قاسم جومارت توقایف پاکستان قازقستان بزنس فورم سے خطاب بھی کریں گے، دورے میں پاکستان اور قازقستان کے درمیان دوطرفہ تعلقات کا جامع جائزہ لیاجائے گا۔
دفتر خارجہ کے ترجمان کے مطابق تجارت، لاجسٹکس، علاقائی اور عوامی روابط میں تعاون کے نئے مواقع پر بات چیت ہوگی، دورہ دوطرفہ تعلقات اور علاقائی امن و ترقی کے مشترکہ عزم کا عکاس ہے۔
