اسلام آباد خودکش حملہ، پمز میں زیرِعلاج 1 اور زخمی دم توڑ گیا

پمز میں اسلام آباد خود کش دھماکے کا زیرِ علاج ایک اور زخمی دم توڑ گیا، جس کے بعد واقعے میں شہداء کی تعداد 33 ہو گئی۔

اسپتال ذرائع کے مطابق دھماکے کے 33 شہداء کی میتیں لواحقین کے حوالے کر دی گئی ہیں۔

پمز اسپتال میں دھماکے کے 149 کیسز لائے گئے تھے جن میں 121 زخمی اور 28 لاشیں شامل تھیں۔

رات بھر طبی امداد کے بعد پمز میں دھماکے کے زخمیوں کی تعداد 64 رہ گئی ہے۔

پمز میں 20 زخمیوں کی حالت تشویش ناک ہے جن میں سے 9 آئی سی یو میں زیرِ علاج ہیں۔

زخمیوں کا علاج سرجیکل وارڈ 1 اور سرجیکل وارڈ 4 میں جاری ہے۔

دوسری جانب اسلام آباد کے ہی پولی کلینک اسپتال میں خودکش دھماکے کے 13 زخمی زیرِ علاج ہیں۔