مشرق وسطیٰ صورتحال، کیا پاکستان کے پاس پیٹرول ذخائر کافی ہیں؟

مشرق وسطی کشیدگی کے باعث پاکستان میں پٹرولیم مصنوعات کے ذخائر کی صورتحال سامنے آگئی۔ 

اوگرا ذرائع کا کہنا ہے کہ پاکستان میں پٹرولیم مصنوعات کے ذخائر ضرورت کے مطابق موجود ہیں۔

اوگرا حکام کے مطابق ملک میں پیٹرول و ڈیزل کے 28 دن سے زائد کے ذخائر موجود ہیں، آئل مارکیٹنگ کمپنیاں 21 دن کے ذخائر رکھنے کی پابند ہیں۔

جب اوگرا حکام سے سوال کیا گیا کہ کیا مشرق وسطی میں کشیدگی سےتیل کی ترسیل متاثرہوسکتی ہے؟ تو اس پر حکام نے جواب دیا کہ ابھی کچھ کہنا قبل از وقت ہے۔

ذرائع کا کہنا ہے کہ پاکستان زیادہ تر پیٹرولیم مصنوعات مشرق وسطی سے درآمد کرتا ہے، پاکستان قطر سے ماہانہ 8 ایل این جی کارگوز بھی درآمد کر رہا ہے۔