حکومت نے ساڑھے 6 ارب یومیہ کا بوجھ عوام پر ڈال دیا، خواجہ اظہار

متحدہ قومی موومنٹ (ایم کیو ایم) پاکستان کے مرکزی رہنما خواجہ اظہار الحسن نے کہا ہے کہ حکومت نے ساڑھے 6 ارب یومیہ کا بوجھ عوام پر ڈال دیا ہے۔

کراچی سے جاری بیان میں خواجہ اظہار الحسن نے کہا کہ پوری دنیا میں رمضان ڈسکاؤنٹ فیسٹیول لگتے ہیں، ہمارے ہاں پیٹرول 55 روپے مہنگا ہوگیا۔

انہوں نے کہا کہ ساڑھے 6 ارب یومیہ کا حکومت نے عوام پر بوجھ ڈال دیا، وزیر اعظم سے کہوں گا رمضان ختم ہونے کا ہی انتظار کرلیتے۔

ایم کیو ایم رہنما نے مزید کہا کہ اعلان کا اطلاق رات 12 بجے جب ہونا ہے تو رات 9 بجے اعلان کیوں ہوتا ہے، جن پیٹرول پمپس کے پاس پیٹرول ہے وہ اعلان کے بعد پمپس بند کردیتے ہیں۔

اُن کا کہنا تھا کہ یہ پیٹرول پمپس سرمایہ داروں، ایم این ایز اور جاگیر داروں کے ہی ہوتے ہیں، پاکستان میں ڈائریکٹ پیٹرول ساڑھے 7 لاکھ بیرل یومیہ استعمال ہوتا ہے۔