امریکا ایران میں دوبارہ مذاکرات کا اب بھی چانس ہے، وزیر دفاع خواجہ آصف

وزیر دفاع خواجہ آصف  کا کہنا ہے کہ میرے اندازے کے مطابق امریکا ایران میں دوبارہ مذاکرات کا اب بھی چانس ہے۔

پارلیمنٹ ہاؤس کے باہر میڈیا سے گفتگو کرتے ہوئے خواجہ آصف نے کہا کہ دوبارہ مذاکرات کے حوالے سے اطمینان ظاہر کیا جا رہا ہے، اسلام آباد امن مذاکرات کے بعد ماحول بہتر نظر آرہا ہے۔

وزیر دفاع خواجہ آصف نے کہا کہ مذاکرات کے بعد کوئی منفی بات نظر نہیں آئی، مثبت پہلو نظر آرہے ہیں، اگلی نشست تک ان شاءاللّٰہ کسی نتیجے تک پہنچ جائیں گے۔

خواجہ آصف نے کہا کہ اللّٰہ تعالیٰ پاکستان پر بڑا مہربان ہے، پاکستان کی جنگی میدان کے بعد سفارتی میدان میں کامیابی پر بھارت میں صف ماتم ہے۔