خاتون کا پولیو ورکر پر تشدد، پولیس نے مقدمہ درج کرلیا
لاہور کے علاقے نشتر کالونی میں ایک خاتون نے پولیو ورکر خاتون کو گالیاں دیں اور تشدد کا نشانہ بھی بنایا، جس پر پولیس نے ملزمہ کے خلاف مقدمہ درج کر لیا۔
پولیس کے مطابق نشتر کالونی صوفیہ آباد میں خاتون پولیو ورکر عائشہ بچوں کو پولیو کے قطرے پلارہی تھی کہ ایک گھر کی بیل بجانے پر ایک پورشن سے خاتون بچے کو قطرے پلانے کیلئے نکلی آئی۔
پولیس کا کہنا ہے کہ دریں اثنا اوپر والے پورشن سے دوسری خاتون نے پولیو ورکر کو گالیاں دیں اور نیچے آکر تشدد کا نشانہ بنا ڈالا۔
انچارج یو سی سکندر رحمان کی مدعیت میں ملزمہ کے خلاف مقدمہ درج کر لیا گیا۔
Load/Hide Comments
