ایک سیاسی جماعت کہتی تھی ملک کا بیڑا غرق ہوگیا، احسن اقبال

وفاقی وزیر منصوبہ بندی احسن اقبال نے کہا ہے کہ ایک سیاسی جماعت لوگوں کو بتاتی تھی کہ پاکستان کا بیڑا غرق اور ستیاناس ہوگیا ہے۔

نارووال میں نجی کالج کی تقریب سے خطاب میں احسن اقبال نے کہا کہ ان کے لیڈر کی تقریر شروع ہی ستیاناس اور بیڑا غرق سے ہوتی تھی۔

انہوں نے کہا کہ آج اسی پاکستان نے معرکہ حق میں بھارت کے دانت توڑ کر رکھ دیے ہیں۔

وفاقی وزیر نے مزید کہا کہ اللّٰہ نے وزیراعظم اور فیلڈ مارشل کی قیادت میں پاکستان کا پرچم پوری دنیا میں بلند کردیا۔

اُن کا کہنا تھا کہ آج اگر دنیا کے لیڈر جس ملک کو شاباش دے رہے ہیں اور بہترین سفارت کاری کے قصیدہ پڑھ رہے تو وہ پاکستان ہے۔

احسن اقبال نے یہ بھی کہا کہ نواز شریف نے پوری دنیا کا دباؤ ٹھکرا کر ایٹمی دھماکے کرکے پاکستان کا دفاع ناقابل تسخیر بنا دیا۔