پنجاب: ماہ اگست میں 1415 غیر قانونی طبی مراکز سیل

پنجاب ہیلتھ کیئر کمیشن نے اگست میں اتائیت کے خلاف کارروائیوں کے اعداد و شمار جاری کردیے۔

پنجاب ہیلتھ کیئر کمیشن کے اعداد و شمار کے مطابق ایک ماہ کے دوران صوبہ بھر میں 1415 غیرقانونی طبی مراکز سیل کردیے گئے۔

ترجمان پنجاب ہیلتھ کیئر کمیشن کے مطابق صوبے بھر میں اتائیت کے خلاف کاروائیاں جاری ہیں۔

ترجمان کے مطابق اگست کے دوران سب سے زیادہ لاہور میں اتاتیت کے 293 غیر قانونی طبی مراکز، قصور میں 104، ڈیرہ غازی خان میں 94 غیرقانونی طبی مراکز سربمہر کیے گئے۔

ترجمان کے مطابق شیخوپورہ میں 80، ننکانہ صاحب میں 64 اور فیصل آباد میں چھاپوں کے دوران 63 اتائیوں کے غیر قانونی طبی مراکز سیل کیے گئے۔