پاکستانی شہری نے ابوظبی لاٹری میں 1 کروڑ 50 لاکھ درہم جیت لیے

ابوظبی (سبط عارف) ابوظبی میں پاکستانی شہری شوکت آفتاب نے بگ ٹکٹ لاٹری کی ستمبر کی قرعہ اندازی میں 1 کروڑ 50 لاکھ درہم یعنی 1 ارب 13 کروڑ 37لاکھ پاکستانی روپے کا انعام جیت لیا۔64 سالہ شوکت آفتاب گزشتہ 15 سال سے بگ ٹکٹ میں حصہ لے رہے ہیں۔بگ ٹکٹ انتظامیہ نے پاکستان میں فون کرکے انہیں خوشخبری دی تاہم شوکت آفتاب نے ابتدا میں اسے فراڈ کال سمجھا۔ ویب سائٹ پر نتیجہ دیکھنے کے بعد انہیں کامیابی کا یقین آیا۔