علی امین گنڈاپور اسلام آباد ہائیکورٹ پہنچ گئے

وزیراعلیٰ خیبرپختونخوا علی امین گنڈاپور اسلام آباد ہائی کورٹ پہنچ گئے۔

علی امین گنڈا پور نے کہا کہ سپریم کورٹ میں بانی پی ٹی آئی سے ملاقات کی درخواست دی ہے۔ 

اسلام آباد ہائی کورٹ کے باہر میڈیا سے گفتگو کرتے ہوئے انہوں نے کہا کہ آج میں نے اڈیالہ جیل جانا ہے وہاں میرا بانی پی ٹی آئی سے ملاقات کے لیے نام ہے، میں نے بانی پی ٹی آئی کو مطمئن کرنا ہے مجھے عہدہ انہوں نے دیا ہے۔

علی امین گنڈا پور کا کہنا تھا کہ اگر بانی پی ٹی آئی مطمئن ہیں، کوئی اور نہیں ہے تو میں ذمہ دار نہیں۔

انہوں نے کہا کہ بانی پی ٹی آئی کی سوچ کی عکاسی میں نے اور پارلیمانی پارٹی نے درست کی ہے، تحریک انصاف میں کوئی گروپ نہیں، سب بانی پی ٹی آئی کے ساتھ ہیں، بجٹ پاس نہ ہوتا تو میں نااہل ہو جاتا، فنانشل ایمرجنسی لگانے کا آئین میں حق ہے۔