بھارتی پراکسی کو اسی طرح جواب ملے گا، طلال چودھری

وفاقی وزیرمملکت داخلہ طلال چودھری نے افغان طالبان کو وارننگ دیتے ہوئے کہا ہے کہ افغانستان جب تک بھارتی پراکسی بنا رہے گا، اسے اسی طرح کا جواب ملے گا۔

پارلیمنٹ کے باہر گفتگو کرتے ہوئے انہوں نے کہا کہ پاکستان اپنے ایک ایک جوان کی شہادت کا جواب کس طرح دیتا ہے، انہیں بتائیں گے۔

طلال چودھری کا کہنا تھا کہ بھارت اور اسرائیل افغانستان کو استعمال کررہے ہیں۔

انہوں نے مزید کہا کہ اگر افغانستان پاکستان کے ساتھ پُرامن اور اچھے تعلقات نہیں رکھے گا تو نہ افغانستان خودمختار اور نہ خوش حال رہے گا۔