عید پر زائد کرایہ وصول کرنے والوں کیخلاف قانونی کارروائی کا حکم
وزیرِاعلیٰ پنجاب مریم نواز نے عید پر مقرر کیے گئے کرایوں سے زائد کرایہ وصول کرنے والوں کے خلاف قانونی کارروائی کرنے کا حکم دے دیا۔
مریم نواز نے روزے دار مسافروں کے افطار کا اہتمام کرنے، بس اسٹینڈز کی انتظار گاہوں پر بیٹھنے کے مناسب انتظام اور پنکھوں کی موجودگی کو یقینی بنانے کی ہدایت کی ہے۔
اُنہوں نے کہا کہ عید کے موقع پر گھروں کو لوٹنے والے غریب مسافروں کے استحصال کی اجازت نہیں دی جائے گی۔
وزیرِ اعلیٰ پنجاب مریم نواز نے کہا کہ ہر بس اسٹینڈ پر کرائے نامے نمایاں آویزاں کر کے عمل درآمد یقینی بنایا جائے۔
اُنہوں نے بازاروں اور مارکیٹوں میں سماج دشمن عناصر کی آمد و رفت کی کڑی مانیٹرنگ کرنے کی ہدایت بھی کی۔
Load/Hide Comments
