کراچی میں رینجرز کی کارروائی، ٹوپی گینگ کے 7 ملزمان گرفتار

کراچی کے علاقے کورنگی میں رینجرز نے کارروائی کے دوران ٹوپی گینگ کے 7 ملزمان کو گرفتار کر لیا۔

رینجرز کے ترجمان کے مطابق ملزمان ڈکیتی، اسٹریٹ کرائم، موٹر سائیکل چوری اور جیب تراشی میں ملوث ہیں، گرفتار ملزمان میں محمد ظفر، ساجن ولد سانگی خان، محمد وقار، دانیال، شاہ زیب، شاہد اور محمد اسماعیل شامل ہیں۔

ترجمان کا کہنا ہے کہ ملزمان سے بغیر لائسنس پستول، گولیاں، 2 کھلونا پستول، 8 موبائل فون اور رقم برآمد کی ہے، ملزمان 2018ء سے ڈکیتی، اسٹریٹ کرائم اور دیگر متعدد وارداتوں میں ملوث ہیں۔

ترجمان کے مطابق ملزمان سندھ بھر میں 900 سے زائد وارداتوں میں ملوث اور ایک منظم گینگ کا حصہ ہیں۔

ملزم محمد ظفر کو ڈکیتی کے دوران سی سی ٹی وی فوٹیج میں واضح دیکھا جا سکتا ہے۔