پنجاب میں لوکل گورنمنٹ الیکشن کیلئے حلقہ بندیوں کی تاریخ کا اعلان

پنجاب میں لوکل گورنمنٹ الیکشن کیلئے حلقہ بندیوں کی تاریخ کا اعلان  کردیا گیا۔

ترجمان صوبائی الیکشن کمشنر کا کہنا ہے کہ ابتدائی حلقہ بندیوں کی تیاری کا عمل21 مئی 2026 تک جاری رہے گا، ابتدائی حلقہ بندی فہرست 25 مئی کو شائع کی جائے گی۔

حلقہ بندیوں پر 26 مئی تا 23 جون تک اعتراضات جمع کروائے جا سکیں گے، اعتراضات پر فیصلے 22 جولائی 2026 تک مکمل کیے جائیں گے، حتمی حلقہ بندی فہرست 10 اگست 2026 کو جاری ہوگی۔

ترجمان صوبائی الیکشن کمشنر کا کہنا ہے کہ پنجاب بھر میں انتظامی یونٹس کی حدود میں کسی بھی تبدیلی پر فوری پابندی عائد کر دی گئی۔

الیکشن کمیشن نے تمام متعلقہ اداروں کو مقررہ ٹائم لائنز پر سختی سے عملدرآمد کی ہدایت کی ہے۔