بالی کے لگژری ریزورٹ میں بھارتی سیاحوں کی مبینہ چوری، ویڈیو وائرل

اسلام آباد(صالح ظافر) انڈونیشیا کے سیاحتی جزیرے بالی میں ایک لگژری ریزورٹ میں قیام کرنے والے بھارتی سیاحوں کے ایک گروپ کی مبینہ چوری کی ویڈیو وائرل ہونے کے بعد سوشل میڈیا پر شدید ردعمل سامنے آیا ہے اور اس واقعے نے بین الاقوامی سطح پر بحث چھیڑ دی ہے۔یہ واقعہ Asvara Resort Ubud میں پیش آیا، جہاں چار افراد پر مشتمل گروپ نے 16 اپریل کو تین روزہ قیام کے لیے چیک اِن کیا۔ تاہم چیک آؤٹ کے دوران معمول کی کارروائی اس وقت ڈرامائی رخ اختیار کر گئی جب ہوٹل انتظامیہ نے کمرے سے غیر معمولی تعداد میں اشیاء غائب ہونے کا نوٹس لیا۔