لاڑکانہ: پولیس اہلکار کے قتل میں ملوث ملزم اپنے ہی ساتھیوں کی فائرنگ سے ہلاک

لاڑکانہ کے علاقہ سر کٹیو پیر میں مبینہ پولیس مقابلہ کے دوران ڈاکو رفیق چانڈیو اپنے ہی ساتھیوں کی فائرنگ سے ہلاک ہوگیا۔ 

پولیس کا کہنا ہے کہ ہلاک ڈاکو نے چند ہفتے قبل پولیس اہلکار مجیب الرحمان کو شہید کیا تھا، اسی واقعے میں ایک اور پولیس اہلکار زخمی بھی ہوا تھا۔

پولیس کے مطابق ہلاک ڈاکو ڈکیتی، اغوا برائے تاوان اور پولیس مقابلوں سمیت کئی سنگین مقدمات میں ملوث تھا۔