حج 2027ء کیلئے درخواستوں، اخراجات وصولی کے طریقہ کار کو حتمی شکل دے دی گئی

حج 2027 کےلیے درخواستوں اور اخراجات کی وصولی کےطریقہ کارکو حتمی شکل دے دی گئی۔

ذرائع وزارت مذہبی امور کے مطابق سرکاری حج اسکیم کی درخواستوں کی وصولی اگست کے تیسرے ہفتے سے شروع ہوگی۔ بیرون ملک مقیم پاکستانی بھی درخواستیں دے سکیں گے۔

ذرائع وزارت مذہبی امور کا کہنا ہے کہ حج اخراجات 2 مساوی اقساط میں وصول کیے جائیں گے، پہلی بار نصف رقم اور باقی دوسری قسط میں ادا کرنی ہوگی۔

ذرائع کے مطابق کوٹہ مکمل ہونے پر مزید درخواستوں کی وصولی روک دی جائے گی۔ حج 2027ء کا مجموعی کوٹہ 1 لاکھ 79 ہزار 210 مقرر کیا گیا ہے۔

ذرائع کے مطابق سرکاری حج اسکیم کے لیے 60 فیصد کوٹہ مختص ہے جبکہ نجی حج اسکیم کے لیے 40 فیصد کوٹہ مختص کیا گیا ہے۔