مریدکے: لڑکی سے زیادتی کی کوشش، ملزم اپنے پستول کی گولی سے زخمی، پولیس

پولیس کا دعویٰ ہے کہ مریدکے میں لڑکی سے مبینہ زیادتی کی کوشش کرنے والا ملزم اپنے ہی پستول کی گولی لگنے سے زخمی ہوا۔

مریدکے پولیس کے مطابق ملزم وسیم نے 4 روز قبل کالا خطائی روڈ پر12 سالہ لڑکی سے زیادتی کی کوشش کی تھی۔

ملزم کامونکی کا رہائشی ہے جو سائیکل پر گلی محلوں میں چل پھِر کر اشیاء بیچتا ہے، ملزم کے خلاف تھانہ فیروزوالا میں مقدمہ درج ہے۔

پولیس نے ملزم کا ویڈیو بیان بھی حاصل کرلیا جس میں ملزم کہہ رہا ہے کہ پولیس نے اسے پکڑنے کی کوشش کی تو اس کے پاس موجود پستول کی گولی چل گئی، جس سے وہ زخمی ہو گیا۔