میں ہر روز اپنے جیسی دوسری خواتین کو بااختیار بنانے کیلئے کام کرتی ہوں: مریم نواز

وزیراعلیٰ پنجاب مریم نواز نے کہا ہے کہ میں ہر روز اپنے جیسی دوسری خواتین کو بااختیار بنانے کیلئے کام کرتی ہوں۔

کنیئرڈ کالج میں کانووکیشن تقریب سے خطاب کرتے ہوئے وزیراعلیٰ پنجاب کا کہنا تھا کہ پہلے کے مقابلے میں والدین کا اب اپنی بیٹیوں پر اعتماد بڑھتا جا رہا ہے۔ آج میں پہلی خاتون وزیراعلیٰ کی حیثیت سے آپ کے سامنے کھڑی ہوں۔

انہوں نے کہا کہ ایک دور تھا جب میرے سمیت تمام لڑکیاں عجیب قسم کی خوفزدگی کا شکار تھیں۔ آج لڑکیوں میں پیدا ہونے والے اعتماد نے اس خوفزدگی کو ختم کر دیا ہے۔

وزیراعلیٰ پنجاب کا کہنا تھا کہ آپ کی حوصلہ مندی آپ کو بہترین بیٹی، بہن، بیوی اور ماں کا روپ دے سکتی ہے۔