یورپی پارلیمنٹ کا وفد پاکستان آئے گا

 اسلام آباد :یورپی پارلیمنٹ کا وفد پاکستان آئے گا۔
  تفصیلات کے مطابق یورپی پارلیمنٹ کے ارکان، جو رومانیہ، جرمنی اور آئرلینڈ سے تعلق رکھتے ہیں، اس ہفتے پاکستان کا دورہ کر رہے ہیں۔”جنگ ” کے مطابق  یورپی یونین اسلام آباد آفس کے مطابق یہ وفد، جس کی قیادت شربان دیمتریے سٹرڈزا کر رہے ہیں، اور جس میں مائیکل مک نامارا اور رُتھ فِرمینش بھی شامل ہیں، اسلام آباد میں ہونے والے 14ویں یورپی یونین-پاکستان بین الپارلیمانی اجلاس میں شرکت کے لیے یہاں موجود ہیں۔ یورپی پارلیمنٹ یورپی یونین کا قانون ساز ادارہ ہے، جس کے ارکان یورپی یونین کے 27 رکن ممالک کے شہریوں کے ذریعے براہِ راست منتخب کیے جاتے ہیں۔