دریائے سوات میں ڈوبنے والے ایک اور سیاح کی لاش نکال لی گئی

دریائے سوات میں ڈوبنے والے ایک اور سیاح کی لاش نکال لی گئی۔

ریسکیو ذرائع کے مطابق حادثے میں جاں بحق افراد کی تعداد 10ہوگئی ہے جبکہ 3 افراد کی تلاش اب بھی جاری ہے۔

دریائے سوات میں پانی کی سطح مسلسل کم ہوتی جارہی ہے۔

یاد رہے کہ گزشتہ روز سوات میں دریائے سوات کے کنارے تفریح کی غرض سے آنے والے سیاحوں کےلیے خوشی کا لمحہ قیامت بن گیا تھا۔

مینگورہ بائی پاس کے قریب اچانک پانی کا ریلا آنے سے 16 سیاح دریا میں بہہ گئے تھے۔