مشرق وسطیٰ صورتحال، جیٹ فیول اے ون کی سپلائی بھی متاثر، نوٹم جاری

پاکستان ایئرپورٹس اتھارٹی (پی اے اے) کی جانب سے نوٹم جاری کیا گیا ہے اور بتایا گیا ہے کہ مشرق وسطیٰ کی صورتحال کے باعث جیٹ فیول اے ون کی سپلائی بھی متاثر ہے۔ 

پی اے اے کی جانب سے ایئرلائنز کو پاکستان سے کم سے کم جیٹ فیول کے ساتھ پرواز کی ہدایت کی گئی ہے۔ 

نوٹم کے ذریعے پاکستانی ایئرلائنز کو بیرون ملک سے زیادہ سے زیادہ جیٹ فیول لینے کی ہدایت کی گئی ہے۔ 

پی اے اے کا کہنا ہے کہ جیٹ فیول سپلائی سے متعلق نوٹم 31 مارچ تک نافذ العمل ہوگا۔