سعودی امیگریشن حکام کراچی پہنچ گئے

حج آپریشن کے سلسلے میں سعودی امیگریشن حکام سعودی عرب سے کراچی پہنچ گئے۔

کراچی ایئر پورٹ حکام کا کہنا ہے کہ روڈ ٹو مکہ پروجیکٹ کے تحت سعودی امیگریشن حکام کراچی ایئر پورٹ پہنچے ہیں۔

ذرائع کے مطابق سعودی امیگریشن حکام ہی عازمینِ حج کی امیگریشن کریں گے۔

ڈائریکٹر حج کراچی امتیاز شاہ کا کہنا ہے کہ سعودی ٹیم کے 40 سے زائد ارکان کراچی ایئر پورٹ پہنچے ہیں۔

سعودی امیگریشن حکام کا وزارتِ مذہبی امور اور پی اے اے حکام نے استقبال کیا۔

حکام کا کہنا ہے کہ کل رات 2 بجے کے بعد پہلی حج پرواز روانہ ہو گی۔

روڈ ٹو مکہ پروجیکٹ کے تحت سعودی امیگریشن حکام لاہور اور اسلام آباد ایئر پورٹ بھی گئے۔