ساڑھے 28 ارب روپے کا پاکستان ریلویز کا فریٹ آمدنی کا ہدف پورا نہ ہوسکا

پاکستان ریلویز کا فریٹ آمدنی کا ہدف پورا نہ ہوسکا، ریلویز نے رواں مالی سال میں فریٹ آمدن کا ہدف 28 ارب 49 کروڑ 60 لاکھ روپے مقرر کیا تھا۔ 

لاہور سے ذرائع کے مطابق ریلویز کو فریٹ سیکٹر میں 9 ماہ میں 26 ارب 94 کروڑ 90 لاکھ روپے آمدن ہوئی، ریلویز کو 9 ماہ میں فریٹ سیکٹر میں ہدف سے ایک ارب 54 کروڑ روپے کم آمدن ہوئی۔ 

ریلوے ترجمان کے مطابق فریٹ سیکٹر میں آمدن کا 90 فیصد ہدف حاصل کرلیا گیا ہے، خطے میں جنگی حالات کے باعث فریٹ ٹارگٹ پر اثر پڑا۔ 

ریلوے ترجمان کے مطابق مالی سال کے اختتام تک فریٹ سیکٹر سے 38 ارب روپے سے زائد آمدن متوقع ہے۔