راولپنڈی میں بارشوں کی میڈیا کوریج سے شرجیل میمن ناراض

سندھ کے سینئر وزیر شرجیل انعام میمن راولپنڈی میں بارشوں کی میڈیا کوریج سے ناراض ہوگئے۔ 

ایک بیان میں انہوں نے کہا کہ پنڈی میں تباہ کن بارشوں سے مشکل اور افسوسناک صورتحال پیدا ہوئی ہے، بارش سے متاثرہ افراد کے لیے ان کی دعائیں ہیں۔

شرجیل میمن کا کہنا تھا کہ وہ کبھی ایسی قدرتی آفات کو سیاسی رنگ نہیں دیں گے۔

اپنی بات جاری رکھتے ہوئے انہوں نے کہا کہ لیکن ماضی میں کراچی میں چند گھنٹوں کی بارش کی بھرپور میڈیا کوریج کی گئی جبکہ وہی میڈیا راولپنڈی کی صورتحال کو نظر انداز کرتا دکھائی دے رہا ہے۔