اقوامِ متحدہ کی 20 ہزار بے گھر خاندانوں کو ’جان بچانے والی خوراک‘ کی فراہمی

کابل (اے ایف پی) ورلڈ فوڈ پروگرام نے اتوار کے روز بتایا کہ اس نے پاکستان کے ساتھ تنازع کے نتیجے میں بے گھر ہونے والے 20 ہزار سے زائد افغان خاندانوں کو ’’جان بچانے والی خوراک‘‘ کی فراہمی شروع کر دی ہے۔ ادارے نے خبردار کیا ہے کہ ’’مزید عدم استحکام لاکھوں افراد کو بھوک کی طرف دھکیل دے گا۔‘‘ اپنے گھروں سے نقل مکانی کرنے والے خاندانوں کو ابتدائی طور پر ’’فوری‘‘ بھوک مٹانے کے لیے مقوی بسکٹ فراہم کیے جائیں گے۔