سپریم کورٹ کا نجی ایئر لائن کے ملازم کو 24 سال کے بقایاجات دینے کا حکم

سپریم کورٹ آف پاکستان نے نجی ایئر لائن کے ملازم کو 24 سال کے بقایا جات ادا کرنے کا حکم دے دیا۔

جسٹس شاہد وحید کی سربراہی میں 3 رکنی بینچ نے معاملے کی سماعت کی، اس موقع پر درخواست گزار کے وکیل نے کہا کہ ملازم کو 2002ء میں اسکیم کے تحت ریٹائر کیا گیا۔

اس پر جسٹس شاہد وحید نے استفسار کیا کہ کیا ملازم کو پینشن ادا نہ کرنے کا کوئی قانون ہے؟ جواب میں نجی ایئر لائن کے وکیل نے کہا کہ پینشن کی ادائیگی کے بارے میں ادارے سے ہدایات لینا ہوں گی۔

عدالتی حکم میں کہا گیا کہ آئندہ سماعت سے پہلے پینشن ادا نہ ہوئی تو ایم ڈی ایئر لائن خود پیش ہوں۔