آزاد کشمیر انتخابات کا تیسرا مرحلہ، پولنگ کا وقت ختم، ووٹوں کی گنتی جاری

آزاد کشمیر قانون ساز اسمبلی انتخابات کے تیسرے مرحلے میں پولنگ کا وقت ختم ہوگیا۔ جس کے بعد ووٹوں کی گنتی کا عمل شروع کردیا گیا ہے۔ 

آزاد جموں و کشمیر کے حلقہ ایل اے 14 باغ 1، ایل اے 15 باغ 2 ، ایل اے 16 باغ 3 اور حلقہ ایل اے 17 باغ 4 حویلی میں پولنگ ہوئی۔ پولنگ کا عمل صبح 8 بجے سے شام 5 بجے تک جاری رہا۔

خیال رہے کہ انتخابات کے پہلے مرحلے میں میرپور ڈویژن کی 13 میں سے 9 نشستوں پر ن لیگ کامیاب ہوئی تھی جبکہ پیپلز پارٹی 4 نشستوں پر کامیاب ہوئی تھی۔

اسی طرح دوسرے مرحلے میں مظفرآباد ڈویژن کی 9 اور مہاجرین کی 12 نشستوں پر ووٹ ڈالے گئے جہاں مسلم لیگ (ن) نے مجموعی طور پر 15 اور پیپلز پارٹی 6 نشستوں پر کامیاب ہوئی۔