پنجاب کے ترقیاتی کاموں سے زیادہ کیا 11 ارب کے جہاز ضروری ہیں؟ چوہدری حسین الہٰی

مسلم لیگ ق کے رہنما چوہدری حسین الہٰی نے کہا کہ پنجاب کے ترقیاتی کاموں سے زیادہ کیا 11 ارب کے جہاز ضروری ہیں؟  

گجرات کے علاقے عالم گڑھ میں جلسے سے خطاب  کرتے ہوئے انہوں نے کہا کہ یہ واحد حکومت ہے جو دس دن پاکستان 20 دن بیرون ملک ہوتی ہے۔  

چوہدری حسین الہٰی نے کہا ہم وہ نمائندے چاہتے ہیں جو عوام کا دکھ سمجھتے ہوں۔ 

انہوں نے کہا کہ اسمبلی میں کھڑے ہو کر کہنا کہ جہاز لیا تو کیا ہوا، یہ عوام کے ساتھ مذاق ہے، یہاں آ کر عوام سے پوچھیں کہ بجلی کا بل کیسے دے رہے ہیں۔ 

چوہدری حسین الہٰی نے مزید کہا وقت آ گیا ہے کہ نئے لوگوں اور نئے چہروں کو آزمایا جائے۔