پی ٹی آئی رہنماؤں کو اڈیالہ جیل میں بانی سے ملاقات کی اجازت نہیں ملی

بانی پی ٹی آئی سے اڈیالہ جیل میں آج پارٹی رہنماؤں کی ملاقات کا دن تھا تاہم تحریکِ انصاف کے رہنماؤں کو ملاقات کی اجازت نہیں مل سکی۔

اڈیالا جیل میں بانی پی ٹی آئی سے  ملنے کیلئے پارٹی رہنما پہنچے تھے لیکن  انتظامیہ کی جانب سے کسی رہنما کو ملنے نہیں دیا گیا۔

پی ٹی آئی رہنما ملاقات کی اجازت نہ ملنے پر اڈیالہ جیل سے واپس روانہ ہوگئے،  بانی پی ٹی آئی سے ملنے کیلئے آنے والوں میں ایڈووکیٹ عاقل خان، ایڈووکیٹ عمیر بٹ اور سعد علی خان شامل تھے۔

سردار منصور عباسی، ایم این اے مبین جٹ اور ایم پی اے حسن بٹر بھی ملاقات کیلئے آئے تھے۔