لاہور: ڈیفنس میں غیرملکی خواتین کے ساتھ مبینہ زیادتی، لاکھوں ڈالر تاوان بھی طلب

لاہور کے علاقے ڈیفنس میں غیرملکی خواتین کو مبینہ طور پر زیادتی کا نشانہ بنایا گیا جبکہ ان سے لاکھوں ڈالر تاوان بھی طلب کرلیا گیا۔

اس سلسلے میں درج ایف آئی آر کے مطابق ملزم نے متاثرہ خواتین سے بیرون ملک دوستی کی اور انہیں پاکستان بلا لیا۔

ایف آئی آر کے متن میں تحریر کیا گیا کہ 29 جون کو دونوں خواتین لاہور پہنچیں، ملزم دونوں خواتین کو ڈیفنس میں واقع گھر میں لے گیا۔

اس میں یہ بھی تحریر کیا گیا کہ ایک خاتون سے زیادتی کی کوشش کی گئی جبکہ دوسری خاتون کو تین ملزمان نے زیادتی کا نشانہ بنایا۔

ایف آئی آر کے مطابق خواتین کا بیرون ملک رابطہ کروا کر ڈیڑھ ملین ڈالر تاوان مانگا گیا۔