بھارت میں 17 پاکستانیوں سمیت 23 افراد دہشت گرد قرار

لاہور(خالدمحمودخالد) بھارتی وزارت داخلہ نے 23 افراد کو غیر قانونی سرگرمیوں کی روک تھام ایکٹ یو اے پی اے کے تحت دہشت گرد قرار دے دیا ہے۔ ان میں مبینہ طور پر 17پاکستانی شہری اور 6بھارتی شہری شامل ہیں جو بھارتی مقبوضہ کشمیر سے تعلق رکھتے ہیں۔ ان افراد پر 2016کے نگروٹا آرمی کیمپ حملے، 2018 کے سنجوان ملٹری اسٹیشن حملے، دراندازی، ڈرون کے ذریعے ہتھیاروں کی اسمگلنگ، بھرتی اور دہشت گردی کی فنڈنگ جیسے الزامات ہیں۔ اس اعلان کے بعد یو اے پی اے کے تحت دہشت گرد قرار دیے جانے والے افراد کی تعداد 80 ہو گئی ہے۔