لاہور میں لوڈشیڈنگ کا دورانیہ 6 سے 8 گھنٹے پر پہنچ گیا

لیسکو ریجن میں بجلی کا بدترین بحران جاری ہے، شہر میں لوڈشیڈنگ کا دورانیہ 6 سے 8 گھنٹے پر پہنچ گیا۔

ذرائع کے مطابق لیسکو کا شارٹ فال 2 ہزار میگاواٹ سے تجاوز کر گیا ہے۔

شہر کے مختلف علاقوں میں لوڈشیڈنگ کا دورانیہ 6 سے 8 گھنٹے پر پہنچ گیا۔

دوسری جانب وزارتِ توانائی نے فی الحال بجلی سپلائی بڑھانے سے انکار کر دیا ہے۔

لیسکو حکام نے کوٹے میں کمی کی وجہ سے شیڈول دینے سے معذرت کر لی ہے۔

بجلی کے بدترین بحران کی وجہ سے شہریوں کو شدید پریشانی کا سامنا ہے۔