امریکہ نےسرخ لکیر عبور کی تو سخت جواب دینگے، ایرانی سفیر

جنیوا (اے ایف پی) اقوامِ متحدہ میں ایران کے سفیر علی بحرینی نے بدھ کے روز امریکہ کو خبردار کیا کہ اگر اس نے ایران کے خلاف سرخ لکیر عبور کی تو تہران سخت جواب دے گا۔انسانی حقوق کونسل سے خطاب میں انہوں نے مزید خبردار کیا کہ اسرائیل کے حامی ممالک خصوصاً امریکہ یہ جان لیں کہ اسرائیل کی حمایت کا مطلب انسانی حقوق اور بین الاقوامی قوانین کی خلاف ورزی کی حمایت ہے۔انہوں نے کہا کہ امریکہ اسرائیلی حملوں کا شریک جرم ہے اور ایران کسی بھی جارحیت کا بھرپور جواب دے گا۔ ہم پختہ یقین رکھتے ہیں کہ امریکہ اسرائیل کی کارروائیوں میں شریک ہے۔انہوں نے خبردار کیااگر ہمیں یہ یقین ہوا کہ امریکہ براہِ راست حملوں میں ملوث ہے تو ہم اس کا جواب دیں گے۔